| 地点: 別緻餐廳 Cafe Le Must (紅磡都會廣場)  
曾經過食評推介呢間餐廳, 已經想嘗試, 今日同老公慶祝週年紀念, 决定一試, 可惜因為太遲boook枱, 所以只有6:00pm 或9:00pm有位, 如果6:00pm要8:30前交枱, 最後決定早少少食book 6:00pm. 準時到達, 可能時間尚中, 食客只有一對夫婦, 服務員招呼我地坐, 態度非常友喜 (曾經見過有d批評話服務態度差, 我需要幫佢地平反一下)
可能地方比較細, 全場不夠十張枱, 有少少迫嘅感覺, 好在我地早到, 所以可以安排到單邊雙人枱. 打開menu, 發覺選擇幾多. 客人可隨個人喜愛自由配搭頭盤,湯, 主菜, 甜品等..
 頭盤: 法國鵝肝拌烤鳳梨罵醋汁 (幾好, 不過嫌鵝肝面不夠脆, 我鍾意醋汁的微酸中和了鵝肝的油膩感) 
龍虾海鮮雲吞湯 / 周打魚湯 ( 蒜蓉包) (可能顧住影相, 飲湯時涼咗, 不過有香濃龍虾味) 周打魚湯 (諗住似一般罐頭湯, 原來內有薯蓉, 都算是有誠意)
 
香草烤羊架 龍虾意大利飯 (5成熟, 肉質幾嫩滑, 但如果表面烤多少少會好d, 我嫌欠咗d羊味, 伴底3片焗著, 好食) (嫌龍虾份量嫌少咗d, 飯都好食)
 
焗肉桂香蕉酥 紅酒煮梨 (本來想叫蘋果脆, 可惜今日係香蕉酥, 好有蕉味, 酥好脆) ( 我本想食燉蛋, 但老公决定食梨, 冇緣試)
飲品: 熱咖啡 / 熱朱古力 餐後結脹時全場已坐滿人, 之前睇到好多食評話慢, 可能我地早到, 所以整個好輕鬆悠間嘅晚餐約8:00pm完成. 老板娘( 我猜) 向我地詢問意見: 我表示總括嚟講都好好, 只係上咖啡嘅奶係凍, 如果暖咗d奶會好d, 佢表示會留意改善 , 令我感覺佢有誠意, 服務態度好好, 佢又話Menu會不時更新, 我相信我會再幫襯..
離開都會廣場, 我倆源住海濱散步至碼頭, 突然好想食刨冰, 原本想去試厚福街嘅糖仁街結果門外約有20人在等, 最後決定到美麗華商場麻布茶房, 我叫咗芝麻牛奶刨冰, (下次試試士多啤利牛奶刨冰), FatBen竟然話有点餓, 結果佢叫咗個拉麵, 之後大家都帶住滿足感回家... 
|
